Online Reporter
UKUFUNA ukuphakamisa indimi ezehlukeneyo lokwenza ukuthi umsebenzi wakhe wobuciko ufundwe futhi uqondwe ngabantu bezindawo ezehlukeneyo kwenze umbhali wamabhuku ozimeleyo wenza into engajwayelekanga, ekhipha ibhuku elilotshwe ngendimi ezingu-12.
UNkosazana Nthabiseng Jafta usanda kwethula lelibhuku leqoqo lezinkondlo elilesihloko esithi Alora: She Dreamt Poems In Many Tongues, aqala ukuyibhala ngesiNgisi langeSesotho, kwathi ngokuqhubeka kwesikhathi wazihlupha ngolunye ulwazi lwezinye izindimi, wengeza izihumusho zezindimi ezilitshumi kuyo okuhlanganisa isiZulu, isiXhosa, KiSwahili, Arabic, Mandarin, Nepali, Russian, Spanish, Danish lesiGreek.
“Inhloso yami enkulu ngalincwadi bekuyikufuna ukuqonda ulimi lwamaphupho ukuthi umuntu wenza kanjani ukuqonda izincazelo zawo, ngase ngisebenzisa ubuciko bezinkondlo ukuveza umqondo ocatshileyo walokho – ngibe ngiveza lokuthi amaphupho esiwaphuphayo alamandla kangakanani ukuveza lokusaziza okunengi okusuke kusazokwenzeka, ngibe ngisebenzisa lezi zindimi ngokwehlukana kwazo encwadini yami,” kutsho uNkszn Jafta.
Uthe okunye okumlekelele ukubhala lincwadi yikuthi ingqikithi yayo ohambisana locwaningo ayevele elwenza ezifundweni zakhe ze-Master’s in Creative Writing, oluthi Dreams Caught: Understanding The Language of Dreams, aziphothule eRhodes University ngo-2022.
“Lolu cwaningo lwathatha iminyaka emibili ukulenza ngiluqede, kwase kwathi ukubhala incwadi lakho kwathatha eminye iminyaka emibili njengoba incwadi ize izophuma manje ngoba bekudingeka ukuthi ngihambele amanye amazwe engithekele kuwona ulwazi lwalezi zilimi, futhi ngaxhumana nabantu abaningi abangisize ukuhumushela kwezinye izilimi engizisebenzise kuyona, okungumsebenzi obekungelula neze ukuwenza,” utsho kanje.
Ubulembu
