adminINYANGA okuthiwa nguMpalakazi yinyanga yamadili emhlabeni wonke nje. Yinjabulo yodwa kule inyanga ukudla, izipho kuze kube lezigqoko ezintsha ezithengwayo. Abanathayo badakwa bangazazi kuthi lawo amagabazi agide zize zibebuhlungu inyawo. Hatshi bantu kuyakholiswa emhlabeni. Wena opheka loMaMoyo zilungisele ukudla ozakupheka udle ukholise lemuli yakho labo makhelwane lezethekeli zakho. Kube kuhle kube njeya.
Abakhonza uNkulunkulu labo bayalungiselela okwabo bona njalo baqakathekisa u25 Mpalakazi. Njengoba ngiqakathekisa okudliwayo ngizakuthi fahlafahla ngokudla ongakupheka.
Wena-ke khumbula ukuthi uMaMoyo uthi kuphekwa njani lokhu kudla, umehluko ekudleni yikuthi wena isitshwala silomehluko ngokupheka. Abanye batshaya imboza malanga wonke sona esaliwa yizinja malanga wonke. Wena pheka loMaMoyo udle ukholise.
Njengoba sengikhulumile ukuthi ukudla kuqakathekile emadilini khathesi ngizagxila kukho. Nanku okwenzakalayo, lapha ekhaya kudingakala izitshebo ezehlukeneyo ezinengi njalo kungahlatshwa inkomo imbuzi, imvu, inkukhu kumbe kuthengwe inyama lezi ezitolo. Okukhulu yikuthi zibekhona zingasweleki noma kunjalo woba lomphelekezeli wenyama hatshi yona yodwa ngoba ingakugijimisa.
Okuhamba lenyama:
1 Ngamatshakada agigiweyo kumbe athengiweyo ezitolo, irayisi, amagwili, indumba, isitshwala lemakharoni.
Imibhida:
Amatamatisi, ihanyanisi, ikhabitshi, isipinatshi, itshomoliya, ibhinzi (beans), i-rape, imakharoni, imbuya, ulude, imibhida yendumba ledelele.
Ovuvuzela ngakho:
Isawudo le-curry, ibilebile, i-pepper, imihluzi eyimpuphu ethengwayo, amafutha okupheka cooking oil, itshukela ngokuthanda. Nanzelela akusandisanga ukuthi isifuyo sihlatshwe lapha ekhaya inyama sezithengwa ezilaheni inkani uyazi oyifunayo.
Nanku okokupheka ngeKhisimusi:
1 Inyama yembuzi ehlatshiweyo loba ethengiweyo
2 Inyama yenkomo yenkukhu ingaba ngethengiweyo
3 Amangqina
4 Inhloko
5 Ulimi
6 Imbambo
7 Ezangaphakathi, amathumbu, ulusu, isadijana, itwane, ulimi, isibindi
Nanzelela ukuthi inyama uyipheka isintu lesikhiwa (isimanje)
Imibhida:
Khetha le oyifunayo uyipheke njengokuthanda kwakho.
Ukudliwa kokudla kwamadili ekhisimusi:
Yelula isandla sakho uphakulule kube kunengi abantu badle bakholise, bajabule bagide, bakholise ngaleli langa kubekhona umehluko.
Online Reporter