Online Reporter
Lovemore Dube
MHLA kuhlangana amalunga uqobo eqembu leHighlanders, olunye udaba oluzakuba sematheni ngolokuphathwa kwesisekelo sombuso.
Amalunga la ahlangana mhlaka 25 Zibandlela.
Isisekelo sombuso yiso esilawula ukuphathwa lokukhokhelwa kweqembu. Akula ncwadi ephezulu ukwedlula le.
Kodwa, kumalanga adluleyo, isisekelo sombuso weqembu singabe siqanyuliwe ngokutsho kwabalandeli abathile, kulandela ukukhitshwa kombiko wokuba kuzaqhutshwa umhlangano we-Annual General Meeting. Kubikwa ukukhitshwa kwalumbiko bekungahambelani lalokho okuphawulwa yisisekelo sombuso.
Iqembu leHighlanders lihlangene kumnyaka odlulileyo lacubungula isisekelo sombuso. Kodwa, kukhanya akwenziwanga umsebenzi waphelela ngoba isisekelo sombuso lesi kukhanya siphanjanisiwe.
NgeSonto edluleyo iqembu lazise uzulu ngomhlangano wamhlaka 25 Zibandlela, okuyikho okwenze abanengi bafuna ukubona ukuthi kanti isisekelo sombuso simi njani.
Okwenza abalandeli batshutshiseka yikuthi babona kungelasikhala sokuthi bajike umbono.
Baziswe ngomhlangano mhlaka 11 Zibandlela, kukhangelelwe ukuthi abafisa kuxoxwe kube sekukhona kumalanga angu-30 kuzaba lomhlangano. Amalunga azibone evalelwe phandle kwalingxoxo.
Lokhu kutshengisela ukuthi kwakumele isaziso lesi ngabe saphuma kudala kumaphephandaba, kusaziswa abalandeli ngelanga lomhlangano.
“Kulesizatho sokuthi iqembu lilandele kutsha isisekelo sombuso, ikakhulu u-Article 16.1, okhuluma ngokubizwa kumhlangano,” kubika elinye igqwetha elikhulume leZimpapers Sports Hub.
“Isisekelo sombuso sichaza ukuthi umhlangano we-Annual General Meeting ubakhona ekupheleni kukaZibandlela minyaka yonke kodwa, kumele lokho kumenyezelwe phambilini, kusasele amalanga angu-30.”
Igqwetha lithe abalandeli bancitshwe ithuba lokuthi bajike awabo. Uthe inkokheli zeBosso kumele zikulungise lokhu.
Omunye wabalandeli beBosso uDumile Ncube uthe kungaba ngcono ukuthi umhlangano udluliselwe phambili.
“Kanti kungani abakhokhelayo bezenzela okwabo?” ubuzile uNcube.
Ekhuluma esesigiodlweni eHarare, uLindiwe Maphosa uthe umhlangano lo awukho emthethweni. Uthe ngokupha amalanga amathathu nxa iqembu lisazisa abantu amaviki amabili engakafiki kuvalela ukuthi amalunga akjikele afisa kuxoxwe.
Abanengi abaxoxisane leZimpapers Sports hub, bathe isisekelo sombuso kumele silungiswe.
