Online Reporter
Vusumuzi Dube
UKUZIMISELA kuyabhadala!
Ibhola lenyawo kumhlubulo ongezansi yelizwe selilomkhokheli omutsha, uCris Mtungwazi.
UMtungwazi osebizwa njengomgcinisihlalo weZifa Southern Region, unqobe uZenzo Moyo, awake wadla ubhedu kuHighlanders lakumaWarriors.
Umgcinisihlalo omutsha lo uthole amavoti ayisitshiya galolunye, uMoyo wathola amane. Omunye obencintisa kumbango kamgcinisihlalo, uLlyod
Munhanga uthole ivoti elilodwa. UTawanda Tali uthole amabili.
Kusikhundla sikamgcinisihlalo nguTafadzwa Mutowa ovotelwe ngabantu abangu-13. UMhlanga wathola amathathu, u-Elton Sinyosi katholanga lutho, kwaba levoti eyodwa eyagcoliswayo.
UMtungwazi ukhulume ngokuqakatheka kokubambana lokukhulisa umdlalo.
“Sizaqina ngokuthuthukisa ingatsha zabasakhulayo. Intsha yethu iyinsika yokuthuthuka lekusasa enhle,” kutsho uMtungwazi.
“Sizasebenza gadalala ukusekela ukufundiswa kwabaqeqetshi, ukulungiswa kwendawo zokuqeqetsha ukwenzela ukuthi abasakhulayo banikezwe wonke amathuba.”
