Online Reporter
Nkosilathi Sibanda
UMONGAMELI wenhlanganiso yeZimbabwe Football Assocition (Zifa) uNqobile Magwizi ubike ukuba sebelungiselela imncintiswano ezayo, kuhloswe ukuletha ingqubekela phambili kuzo zonke izigaba zomdlalo elizweni.
UMagwizi wethule lokhu ngesikhathi ekhuluma ekhasini lobulembu mayelana ngokudlala kwamaWarriors ku-Africa Cup of Nations.
“Imizwa ekhona khathesi igcwele ukudana lobuhlungu. Njengelizwe elithanda ibhola, sihlala sifuna ukuncintisa ngokuqinileyo njalo sithuthuke kakhulu kumiqhudelwano emkhulu.
“Lokhu kufunwa yithi sonke njengabaphathi, abadlali, izisebenzi labasekeli,” kutsho uMagwizi.
Ekhuluma ngamaWarriors uthe: “Sibona iqembu elilekusasa elihle. Singaqina ngokuhlela kuhle, ukubambana lokwenza umsebenzi ngendlela eyiyo, le yithimu ezabuyela njalo ifike idlale ngcono kwelakusasa.
“Sizalinda imibiko yabaqeqetshi, andubana silande umphakathi. Imibono le kumele ibe ihlelekile, hatshi ukuthi iphume ngemizwa. Sizalungiselela imincintiswano ezayo egoqela i-African Games, Women’s Africa Cup of Nations, lama-Olympics. Sizaphinda sibe le2027 Africa Cup of Nations, 2030 FIFA World Cup.
“Kuzakuba leCOSAFA kumaqembu amazwe, izikolo kumahlandla abesilisa labesifazane. Sikhangelele okunengi,” kutsho uMagwizi.
Isiphetho…
