Online Reporter
Bongani Ndlovu, [email protected]
UMONGAMELI Emmerson Mnangagwa usehloniphe amaqhawe anikela impilo yawo elwela inkululeko yelizwe.
UMongameli utshengise ukuzehlisa lokuncoma kwakhe amaqhawe ngesikhathi esethula umbiko wakhe ngoMvulo, njengoba ilizwe linanza iminyaka engu-46 eyeHeroes’ Day.
Kumbiko lo, uMongameli Mnangagwa uthe inkululeko yeZimbabwe kayizange inikezwe abantu “ngesiliva”, kodwa yatholwa ngenxa yokuchitheka kwegazi, izithukuthuku lenyembezi zalabo abalwela inkululeko.
Ukhuthaze abantu bakuleli ukuthi bahloniphe amaqhawe adlula emhlabeni kanye labalwela inkululeko abasaphila.
“Asiqhubekeni sisakha ilizwe lethu sonke, isitina ngesitina, ilitshe ngelitshe,” kutsho uMongameli Mnangagwa.
Uphinde wakhuthaza abantu ukuthi bahlale beqaphele njalo bezimisele ukuvikela inkululeko lokuzibusa ukuze ilifa lamaqhawe liqhubeke livikelwa.
