Siyazigqaja ngoNdoro’: Ikhansili yakoBulawayo

 

Nkosilathi Sibanda

IKHANSILI yedolobho lakoBulawayo isiyethule amazwi enduduzo kulandela ukwedlula emhlabeni kukaTendai Ndoro.

Kumbiko wayo ngoLwesihlanu ithe idolobho liyazigqaja ngemisebenzi kamuyi ekukhuliseni lokutshengisa ithalenta lenguqu eliphuma kulindawo.
“Idolobho lakoBulawayo limanyene lemuli yakoNdoro kunye lalabo abakubhola likanobhutshuzwayo jikelele lihlanganyela ekukhaleni ngokwedlula emhlabeni komdlali uTendai Ndoro. Ubeyindodana yakoBulawayo, edabuka eNketa, ekhuthaze abanengi edolobheni lonke, etshengisa ukuthi ithalenta nxa lilolongwe kuhle, lingaletha impumelelo,” kutsho umbiko wekhansili.

Ikhansili ithe uNdoro waphakamisa idolobho lakoBulawayo.
‎ “Ezemidlalo seziphenduke zabayinsika yokuthuthukisa idolobho lakoBulawayo. Sizahlala simbonga kakhulu uTendai Ndoro ngokuphakamisa idolobho ngokuphumelela kwakhe enkundleni.”