Online Reporter
LUKHUZA ibuya lenguquko ezimbalwa uhlelo olwenza kahle kusuka ngesizini yokuqala, i-The Masked Singer: South Africa.
Lolu hlelo obelukhonjiswa kuS3, amasizini amabili edlule, manje lukhonjwa kuSABC 2 njengoba lubuya ngoNtulikazi mhlaka 4, ngo-7 ebusuku.
Amajaji alo kawatshintshanga njengoba kuzabe kulokhu kulo uJ’Something, Sithelo Shozi, Skhumba loSomizi Mhlongo.
Umethuli walo kusazoqhubeka kungu Mpho Pops.
Umsunguli walo u-Anele Mdoda wenkampani yokuqopha iRose and Oaks Media, uthe lalonyaka ababukeli bohlelo basazoqhubeka ngokumangala uma sebebona ukuthi ngobani osaziwayo abazobe befihlwe ama-costume abazobe bewagqokile.
“Ngeke nje kube osaziwayo abangaziwayo, sikhuluma ngabosaziwayo abakhulu abazakhele igama kuleli. Enye into esiyaziyo yikuthi ababukeli balolu hlelo bayawajabulela ama-costume asuke egqokwe ngosaziwayo ukuzifihla ukuthi bangobani aba yindabamlonyeni, lakulo nyaka bazoqhubeka benze lokho ngenxa yokuthi siwenze ngendlela yokuthi bangalinge babonakale ukuthi bangobani lakancane uma bewagqokile,” kutsho u-Anele.
Uthe bayabonga kubo bonke osaziwayo abasebenze labo eminyakeni emibili edlule, okukhona kubo abagcina befinyelele emaphethelweni, badla umhlanganiso.
Kulabo saziwayo uthe ubala uHolly Rey owadida abanengi engabonakali ukuthi ungubani ngesizini yokuqala egqokise okukaswidi, owaziwa ngeLollipop.
Ngesizini yesibili, umlingisi Warren Masemola wadla umhlanganiso edida amajaji egqokise okwendlulamithi, njengoba ayaziwa ngoGiraffe lokwaze kwafinyelela ekugcineni amajaji edidekile ukuthi ungubani.
URobyn Verweij wakaSABC2, uthe uhlelo lolu olungezinye ezijabulisa kakhulu ababukeli balesi siteshi.
Uthe lakulo nyaka balindele izibalo ezinhle uma kusiza kulo njengoba lwenze kahle kakhulu kule minyaka emibili lwaqala.
Ngalo, uthe okuhle ukuthi alukhethi iminyaka, lujatshulelwa nguye wonke umuntu kuleli.
Kwabanye osaziwayo asebeke babonakala kulo kubalwa owayengumdlali webhola uDoctor Khumalo, Maps Maponyane, Boity Thulo, Dineo Ranaka, Jessica Nkosi labanye.
