admin
Nkosilathi Sibanda
UMCULI womdumo we-Afrocentric ophinde abe ngumdlali we-mbira uDeLukes usezimisele ukulwisana lodlame kwabesifazane (iGBV) ngengoma entsha elesihloko esithi Wathint’ Umfazi.
Ingoma yakhe le ingenye yengoma ezikudlalade lakhe elithi Artist 4 Social Change, elilengoma ezingu-10, eliphekwa yiVusa Mkhaya Trust iphathiswa yi-Open Society Initiative for Southern Africa OSISA.
Ingoma entsha le, levidiyo yayo yaphuma ngoLwesine mhlaka 25 Lwezi njengengxenye yomkhankaso wensuku ezingu-16 zokugcizelela umzabalazo njalo yaba yingoma yokuqala ukwethulwa.
“Wathint’ Umfazi wathint’imbokodo” yisitsho sesiNdebele esichaza ukuthi ukutshaya umuntu wesifazane yikutshaya idwala.
UDeLukes uthe uyafisa ukuthi ingoma yakhe isabalale.
“Ngithemba ukuthi leliculo lizasebenza ukuhlomisa abantu besifazane njalo likhuthaze abesilisa ukuthi bahloniphe abasifazane lokuthi benqabele iGBV.
Ngiyajabula ngokuthi ngikwazile ukuphumela sobala ngalindaba,” kutsho uDeLukes.
Isikhulumi seVusa Mkhaya Music sithe:
“Siyajabula ukwethula leliculo ngesikhathi esinje, sithanda ukubonga i-Open Society Initiative for Southern Africa OSISA ngokubambisana lathi ukuze lumsebenzi ube yimpumelelo.
“Sonke silomlandu wokwenza okuthile njalo sisebenzisa umculo singenza ukuthi amazwi abesifazane azwakale,” kutsho uTakundwa.
Online Reporter