Online Reporter
Mthabisi Tshuma
UMCULI omkhulu wengoma zokholo uMai Mwamuka ulungiselela ukubusisa abalandeli bakhe ngokwethula idlalade lakhe lesine, elithi: Hymns Project 1, kumcimbi ohlelelwe oLwesihlanu, Nkwenkwezi 23, 2025.
Umcimbi lo, obizwa ngokuthi yiMega Worship Well Festival 3, uthembisa ukuba lusuku olulamandla ekukhonzeni, ukudumisa lokubonga kuKhristu.
Abanye abakhangelele ukujabulisa abalandeli kubalelwa uClayton Sitimah weSouth Africa, Vocal Ex, Worship Zim, Lorraine Maplanka, Minister Audrey, Minister Simba, Baba Wale, Mai Mafukidze, Mai Mudenda, Psalmist Zenzo, Minister Knox Mapepareya, BCT Ministry Music Team, kanye le- The North KM.
Abazabamba umsebenzi ozayenzakala lamuhla ntambama eBCT ku3rd and Jason Moyo nguZenzo loMahutu The Great, bobabili baziwa ngokutshiseka kwabo ledlabuzane embuthanweni.
Ekhuluma ngaphambi kwokwethula idlalade elitsha, uMai Mwamuka uthe iHymns Project 1 luhambo lukamoya.
“Ngibonga kakhulu kuNkulunkulu ngokunginika umusa ngalesi sikhathi sokuthi ngethule i-album yami yesine, okuluhlelo lomculo. Ngibone kulendingeko yokupheka idlalale leli ngoba yimculo eyaziwa isikhathi eside,” kutsho uMai Mwamuka.
