marble nkomo
Lovemore Dube
UMQEQETSHI weHighlanders uBenjani Mwaruwari usencome usekelo lwabalandeli babo.
UMwaruwari uyabazi abasekeli beHighlanders ngoba uke walidlalela iqembu leli ngomnyaka ka-1994 kusiya ku-1996 lapho ababedibana lamaqembu afana labo Zimbabwe Saints, Dynamos leWankie.
Ukuvungama kweBarbourfields kwenza amaqembu azodlala leHighlanders ethuke, kunikeze abadlali idlabuzane lamandla okudlala.
Abalandeli laba bebesiba semuva kwayo imidlalo lokunqoba kwayo kusukela ngama-1970.
“Siyazi ukuthi loba isimo sisibi, abalandeli kabazange balahle ithawulo. Ukuhamba phambili kwabalandeli abanengi kuhle njalo kuyakhuthaza,” kutsho uMwaruwari.
Uthe umangazwa yikuthi laphandle kwakoBulawayo bahamba ngobunengi.
“Okwenza behlukane labanye yikuthi lakumidlalo yakude ubathola ngobunengi. Kabacecisi inkundla nje bayasikhuthaza,” nguMwaruwaro lo owadlalela laboPortsmouth leManchester City.
UMwaruwari ucele ukuthi abalandeli babekezele ngoba basapheka abadlali.
Uthe okumjabulisayo yikuthi sebephose badlalise bonke abalabo njalo sebelomfanekiso wokuthi uzibani lozibani bengenzani.
Online Reporter