Online Reporter
Ethel Ncube
KULENDODA yeManoni, esigabeni seMangwe, ePlumtree emiswe emthethwandaba isetheswa icala lokubhinya imbuzi kunye lelokubaleka enkambeni yamapholisa ngeviki ephelileyo.
UMxolisi Ncube oleminyaka engu-19 yokuzalwa kubikwa wabhinya imbuzi mhlaka 8 Mpalakazi, isesibayeni.
Umtshutshisi kulelicala uNkosazana Sheila Nyathi ubikele inkundla ukuthi umsolwa wabhinya imbuzi mhlaka 8 Mpalakazi esibayeni sesinye isakhamuzi.
Kubikwa uMxolisi waqonda esibayeni sembuzi somunye umakhelwane wakhe wafika wakhetha imbuzi ensikazi wayibhinya ngenhlanhla bamkhanda esenza ihlazo leli bahle bambopha.
Kuzwakale ukuthi mhlaka 9 Mpalakazi wathi esesitokisini wacela amanzi okunatha bathi bevula ukuba bamnike amanzi, yena wahle wafuqa amapholisa wabaleka.
Kubikwa mhlaka 18 Mpalakazi amapholisa abuye ambopha bamvalela njalo usalindele isigwebo azasinikwa ekuqaleni kwenyanga kaZibandlela ngomnyaka ka2026.
