Online Reporter
LIBHODLA umlilo inina lezingane zalo ezintathu, ngemva kokwenqatshelwa ukuyabeka umyeni, lisolwa ngumdeni ngokuba lesandla ekufeni kwakhe.
Ngokuthola kwentatheli, umufi uMnumzana Sikhumbuzo Ngema, odabuka eNkandla, obetshayela amaloli, wanyamalala eseGoli, mhlaka-3 kuMpalakazi, nyakenye, isidumbu sakhe satholakala kunyanga kaMbimbitho, sesonakele, sabekwa ngeviki ephelileyo.
Intatheli ikhulume lomka mufi, uNkosazana Nomzamo Mdlalose, (abasesithombeni), obebhodla umlilo, njengoba ethi yena lezingane zakhe ezintathu, bavinjwe ngabakwaNgema ukuya emngcwabeni, njengoba umdeni kamufi ubunuka yena ngokufa kwakhe.
Uthi kumzwise ubuhlungu ukutshaywa ngesithende ekulungiseni izinhlelo zokufihla umyeni wakhe, ngoba ubesenyamanambana kwabasemzini. Ulandise ngokunyamalala komyeni wakhe, langobunzima athi ubhekane labo.
“Selokhu kwaduka umyeni wami, impilo yavele yatshintsha, ngaphenduka isitha kwabasemzini. Umyeni wami wavuka ekuseni, wathi uya emsebenzini, kanti uya eshendeni lakhe. Nalokho ngakuthola ngoba sengibona kutshaya isikhathi engabuyi. Ngesikhathi ehambile, sasilokhu sixhumana, engazisa ukuthi uyabuya. Ngagcina ukukhuluma naye ngabo-17h00 ntambama, ngemuva kwalokho sangabe sisaxhumana.
“Ngabe sengifonela omunye wabafowabo, wangitshela ukuthi naye uke wakhuluma laye. Ngokubona engabuyi ekhaya, ngelilandelayo ngavukela emapholiseni ngayombika (njengomuntu odukileyo). Sabheka ukuthi uke wafika yini emsebenzini, okuthe uma kubhekwa imininingwane lapho okuhambe khona imota (Tracker), kwabonakala ukuthi akakaze aye emsebenzini,” utsho njalo.
UNkzn Mdlalose uthi phambilini bake baba lezinkinga (lomyeni), njengoba ebesola ukuthi kukhona omunye owesifazane umyeni wakhe ahlekisana laye. Uthi ngesikhathi umyeni enyamalele, umdeni womyeni uke wamsongela ngokumbulala. Uthi amapholisa abamba abasolwa ababili, okuthiwa baveza ukuthi babethunywe ngowesifazane ukuba babulale umufi.
“Amapholisa eza labantu ababambileyo, athi ngabasolwa abaveze ukuthi babethunywe ngumakoti kamufi, kodwa athi uma engibona (amaphoyisa), athi akusi mina lo ofunekayo, kodwa ngomunye wesifazane ohlala eThokoza, eGoli.
Asuka lapho (amapholisa) ayombheka lo owesifazane, athola ukuthi usetshintshe indawo yokuhlala,” kutsho uNkzn Mdlalose.
Uthi okubuhlungu kakhulu yikuthi abangakibo komkakhe bamthathela zonke izinto zomyeni wakhe, bathi sebevela buza ebantwini abathathu, kwavela ukuthi umyeni wakhe ubulawe ngumuntu wesifazane, okuyilapho aphenduka iqaqa emzini.
Uthe okumzwisa ubuhlungu yikuthi izingane zakhe azisoze ziyebeka uyise, njengoba zatshelwa emehlweni ukuthi akusizo zikamufi. Uthe yiloba esetholakele umenzi wobubi, kodwa akukho okukhulunywayo ngaye, ukuze kukhunyelwane umlotha. Uthe uhlezi evalweni, ngoba impilo yakhe isengozini.
Okhulumela amaphoyisa eGoli, uColonel Dimakatso Nevhuhulwi, uthunyelwe imibuzo, wakuqinisekisa ukuthi uyitholile, kodwa kuze kwatshaya isikhathi sokuyadinda engayiphendulanga.
Intatheli ikhulume loNkosikazi Thokozile Ngema ongunina kamufi, othe ibuhlungu into eyenziwa ngumakoti wabo, njengoba isizobafaka emaphephandabeni, ekubeni ibingabambisananga labo ngesikhathi indodana yabo inyamalele.
UNkkz Ngema wehlulekile ukuzibamba, wakhihla isililo, echaza ngobuhlungu ababuzwayo ngokutshona kwendodana yakhe. Ukuchithile ukuthi bamenqabele umakoti wabo ukuthi azobeka umyeni wakhe. —Ilanga
