Online Reporter
Ethel Ncube
KULENDODA emiswe phambi komthethwandaba weGokwe isetheswa umlandu wokuhlukumeza ngokocansi umzukulu wayo oleminyaka engu-15 yokuzalwa okweminyaka emibili.
Indoda le imiswe phambi komthethwandaba weGokwe isetheswa icala leli yagwetshwa ukuba iyepika ejele okweminyaka emihlanu.
Umtshutshisi uTatenda Mandishona uveze ukuba umalume lo waqila umzukulu kwangani sebethandana okwenza wacina esehlangana laye ngokocansi okweminyaka emibili.
“Umsolwa uleminyaka engu-59 yokuzalwa kukanti umzukulu wakhe uleminyaka engu-15. Ngesikhathi ekhonjiswa ngumalumakhe kwakungu-2023 ngoMpalakazi baqala ukuhlangana emacansini ekuqaleni komnyaka ka2024 kwaze kwafika uMpalakazi 2025.
Ukuze icala leli livele umsolwa watshiya umkakhe elele endlini yabo yokulala wayangena engutsheni zomzukulu kwenye indlu.
“Umka msolwa uthe enanzelela ukuthi umkakhe kasaphenduki wavuka esiyamdinga wamthola encida uluju lwemvelo lomzukulu okwadala ukuba umadalicala acine ebotshwa.
Kuvele ukuba laba ababili bebehlangana kanje okweminyaka emibili,” kutsho umtshutshisi.
Umantshi uHonest Musiiwa uphe umsolwa isigwebo seminyaka engu-9 wephula iminyaka emine wasala leminyaka emihlanu. Umsolwa uzabhadla ejele okweminyaka emine.
