Online Reporter
Owesifazane oleminyaka engu-54 ubudala weNkowaNkowa eLimpopo ubotshiwe ngokusebenzisa “ijele” elingekho emthethweni emzini wakhe, wabopha amadoda amanengi abetheswa amacala obudlova lezikwelede zotshwala angazihlawuliyo.
Amapholisa abike ukuba umama lo njalo ongumnikazi webhawa yotshawala, uguqule ingxenye yomuzi wakhe wayenza indawo yokubopha okwesikhatshana.
Ubevalela amakhasimende abesenza udlakela ngemva kokunatha kumbe ehluleke ukubhadala izikwelede zawo.
Izikhulu zithi kusukela mhlaka 2 kuZibandlela, ubophe amadoda angaba ngu-36, amanengi awo abanjelwe ukunatha utshwala ebhawa yakhe
Lo owesifazane uphinde wasebenzisa ijele ukubopha amadoda atshaya abantu besifazane nxa benathile ethaveni.
Umama lo kubikwa uzithethelele izenzo zakhe njengendlela “yokuqondisa” amakhasimende lokuvikela abesifazane endaweni yakhe.
Kuthiwa ubebagcina bevalelwe baze babhadale izikwelede zabo.
Kulindelwe ukuthi abhekane lamacala okuthumba, ukuhlasela lokusebenzisa indawo yokubopha engekho emthethweni.
Icala leli livuse impikiswano emphakathini, lapho abanye abantu bekhala ngokuthi umama lo wayezama ukubuyisela ukuhleleka endaweni, abanye bephikelela ngokuthi uzithathele umthetho ezandleni.
Amapholisa anxuse abanikazi bamathaveni kanye lamalunga omphakathi ukuthi babikele amapholisa ngezehlakalo zodlakela kumbe zokungabhadali, kulokuthi basebenzise izindlela ezingekho emthethweni leziyingozi.
Umsolwa kulindelwe ukuthi avele enkantolo maduze.-Ubulembu
