Vusumuzi Dube
Raymond Jaravaza
AMAPHOLISA akoBulawayo adinga uTitus Masiya (54) ohlala elokitshini leLovendale koBulawayo, obhaxabule umkakhe ngogodo waze wambulala kubangwa ukungathembeki.
Umuyi kubikwa nguSamkeliso Adams, obengumama wengane ezine.
“Amapholisa koBulawayo aphakathi kophenyo lwecala lokubulawa kukaSamkeliso Adams okubikwa waxabana lomkakhe, uTitus Masiya mhlaka 29 Mbimbitho, ngehola letshumi ebusuku, elokitshini leLovendale.
“Bobabili babexabana ngodaba lwenombolo yocingo eyayiphakathi kwefoni kamuyi,” kuchaza isikhulumi samapholisa esabelweni sakoBulawayo u-Inspector Nomalanga Msebele.
“Kuthe ngehola lesibili ebusuku, umsolwa wadobha ugodo watshaya umuyi kanenginengi emzimbeni. Umuyi wazama ukubaleka kodwa umsolwa wamgijimisa, waqhubeka emtshaya waze wathula.”
Kubikwa omakhelwane bavuswa ngumsindo wokuxabana kwababili laba, bazama ukubalamula kwehlula.
“Umsolwa wabaleka, omakhelwane bahambisa umuyi esibhedlela lapho okwafikwa kwabikwa ukuba usedlule emhlabeni,” ngu-Inspector Msebele lo.
Online Reporter