Vusumuzi Dube
YiNtatheli kaMthunywa
BALOKHE bekhuza umhlolo eManasa Village, eLupane ngodaba lwenye indoda etshaye uyisemkhulu ngenduku yambulala ngesizatho sokuthi uyamloya.
Isehlakalo lesi, esenzakala mhlaka 27 Nhlangula 2025 lokhe sisemlonyeni yabantu ngesikhathi.
U-Obey Ncube, oleminyaka engu-30 yokuzalwa umiswe phambi komthethwandaba weHigh Court ngecala lokubulala uGibson Sibanda (77).
Ngokubika kweNational Prosecuting Authority of Zimbabwe, uNcube watshaya kabuhlungu uSibanda, emzini wabo eManasa Village, eLupane.
“Wamtshaya umzimba wonke esebenzisa induku lesibambo sensimbi yekhuba bephakathi kwendlu.
Konke lokhu kwenzakala phambili kukanina lonkosikazi wakhe.
“UNcube uthe esetshaye uyisemkhulu, watshela unkosikazi wakhe ukuthi athathe impahla yakhe aphume emzini. Wabuya watshela abantu ukuthi usemusa esibhedlela se-St Paul’s Mission,” kutsho iNational Prosecuting Authority of Zimbabwe.
“Kodwa-ke, mhlaka 2 Ntulikazi 2025 kulabantwana abathola isidumbu sikaSibanda duzane lebholoho, okwadala ukuthi amapholisa aqale uphenyo olwabangela ukuthi kubotshwe uNcube.
Ngesikhathi kuthethwa icala, uNcube wazama ukuzivikela esithi wayecatshulwe zinsolo zokuba uyisemkhulu uyamthakatha.
Watshela inkundla ukuthi wamfica elungisa imithi yokumlimaza ngokomoya, okwenza walahlekelwa yikuzibamba wamtshaya ngamandla.”
UNcube ugwetshwe iminyaka engu-20 ejele.
Online Reporter