admin
YiNtatheli kaMthunywa
KULENDODA ehlala esiqintini sikaSobhuku uZinanga eZiko ngaphansi kwenduna uSeke ebotshelwe icala lokubulala indodana yayo iyethesa icala lokunatha utshwala bayo.
Kubikwa uRaveson Simbini (41) ngoMvulo ubhaxabule indodana yakhe eleminyaka engu-14 yokuzalwa yaze yaphela amandla andubana ambambe ngamandla ukuthi ayogebha amagodi emasimini lapho afika wehluleka ukwenza umsebenzi lo.
Umfana lo wadlulela ngekhaya unina elokhu ezama ukumsiza.
Lokhu kwenza indaba le yahanjiswa enkambeni yamapholisa encane yeZiko okuyikho okwabangela ukuthi uSimbini abotshwe.
Isikhulumi samapholisa esabelweni seMashonaland East uInspector Simon Chazovachii ugcizelele ngendaba le.
“Amapholisa akoDema abophe uRaveson Simbini (41) osolwa ngecala lokubulala indodana yakhe eleminyaka engu-14 yokuzalwa emethesa icala lokuthi ngosuku oludluleyo wanatha utshwala bakhe. Kubikwa wamtshaya ngebhanti umzimba wonke, loba unkosikazi wakhe wazama ukuthi angaze amtshaya umntwana kodwa waqhubeka emtshaya.
“Isidumbu somntwana lo sathwalelwa esibhedlela seChitungwiza Central Hospital ukuze siyohlolwa ngudokotela.”
Indaba le iqhubekela phambili ihlolisiswa ngamapholisa.
Online Reporter