Online Reporter
UMDLALI we-Orlando Pirates, u-Andre De Jong, uqome leliqembu leSoweto ngenhloso yokukhuphula amathuba akhe okuba yingxenye yenkezo yomhlaba eseMexico, Canada lase-United States of America (USA) kunyanga ezinhlanu ezilandelayo.
Kusukela uDe Jong (29) waqala ukubizelwa eqenjini lakhe lelizwe iNew Zealand ngo-2018, usedlale imidlalo alitshumi, wahlohla amabhola amabili.
“Njengoba ama-All Whites ezadlala kunkezo yomhlaba ngoNhlangula, uletshisekelo yokuthola indawo eqenjini.
UDe Jong owafika eNingizimu Afrika ezodlalela AmaZulu FC ngo-2019, usayine kuPirates njengoba kuvuleke ifasitela lokutshintsha abadlali, esuka kuStellenbosch FC abese ehlale kuyo amasizini amathathu.
Ngesikhathi ekhuluma okokuqala lethimba labezindaba lePirates, uveze injabulo yakhe ngokusayina kwelinye lamaqembu athathwa njengaphambili e-Africa.
“Ukusayina kwami kuPirates kugxile ekukhuliseni amathuba okungasali endizeni ebheke kunkezo yomhlaba, Mhlawumbe ngingabizwa eqenjini,” kutsho uDe Jong.
“Akukho okungixotshe kuStellenbosch ngaphandle kwethuba engilibonileyo lokuba yingxenye yeqembu elaziwa umhlaba wonke.”
INew Zealand ibotshelwe ku-Group G lapho eqhathwe khona le-Egypt, Belgium le-Iran. -Isolezwe
