Online Reporter
INkantolo yesigaba seMadadeni eSouth Africa igwebe owesilisa oleminyaka engu-38 udilikajele ngokudlwengula indodana yakhe phakathi kuka-2019 lo-2021 eMadadeni.
Umgilwa wayehlala labazali bakhe lomfowabo. Umetheswacala wadlwengula umgilwa izikhawu nxa unina engekho.
Kuthe emuva kwesikhathi umgilwa, unina lomfowabo bahamba bayahlala ekhaya konina. Uyise kamgilwa wayevame ukubalanda beyomvakatshela. Ngaleso sikhathi bevakatshile umetheswacala waqhubeka wadlwengula umgilwa.
Indaba yavela obala emuva kokuthi uthisha eqaphele izinto ezisolisayo kumgilwa wambuza ukuthi kwenzenjani.
Umgilwa wabikela uthitsha ukuthi uyise ubemdlwengula. Umbalisi wabikela utitshomkhulu kwabikelwa umdeni kamgilwa. Kwahanjiswa umgilwa emtholampilo kwabikwa udaba emapholiseni kwabotshwa umetheswacala.
UMtshutshisi uCindy Alberts ubize ofakazi okunguthisha owabikelwa kuqala, udokotela owaxilonga umgilwa oqinisekise ukuthi kukhona ukulimala akuqaphela kuye futhi kuzohlala laye isikhathi eside. Umtshutshisi ekhonga isigwebo esiqinile, ubize ubabekazi kamgilwa ochaze ukuthi selokhu kwenzeka isigameko umgilwa usehlala eyinkomo edla yodwa futhi uyamesaba umetheswacala.
Ngaphezu kwesigwebo, inkantolo inqume ukuthi kafanelanga ukusebenza labantwana futhi igama lakhe kufanele lifakwe eluhlwini lwabanyukubeza ngokocansi. —Isolezwe
