Online Reporter
UGWETSHWE kanzima ngumthethwandaba weMpangeni owesilisa owadlwengula izingane ephindelela, okubalwa kizo umzukulu lendodakazi yakhe. Kubikwa ukuthi izehlakalo zenzakala phakathi kuka-2020 lo-2022 ngesikhathi ingane lezi zileminyaka engu-10 lengu-5 ubudala.
Lo owesilisa wadlwengula umamangala wakuqala, okuyindodakazi yakhe kathathu ephindelela ekamelweni lakhe lokulala lokulala ngo-2020 lango-2022, wahlukumeza lomamangala wesibili (okungumzukulu wakhe) ngo-2022.
Indaba yaze yavela ngesikhathi umzawakhe womunye umamangala esola waya endlini yokulala kayise. Umzala waqoqoda, watshela umamagala ukuthi ubizwa nguninakhulu. Ngesikhathi kuvulwa umnyango, umzala waqaphela ukuthi izimpahla zesisulu zazitshwabhene.
Umzala wabika udaba kunina, owabuza umammangala ngokwakusenzakala. Kubikwa ukuthi kungaleso sikhathi lapho umamangala wabhoboka wathi udlwenguliwe. Kwabe sekuvela lesehlakalo sokuhlukunyezwa kukama-mangala wesibili.
Udaba lwabikwa emapholiseni omamangala basiwa eNgwelezane Thuthuzela Care Centre (TCC) ukuze zithole usizo. Ngesikhathi kuthethwa icala emthethwandaba, umtshushisi u-Edwina du Plessis ubize abafakazi abay-isithupha kubalwa labomamangala, lalabo ababikelwa kuqala lodokotela owabazihlola.
UMbuso wethule lezitatimende zabomamangala. Kusitatimende sengane yomdlwenguli, sibike ukuthi kuyamdida ukuthi ngubaba onjani odlwengula ingane yakhe ayizalayo. Ithe lokhu akwenzileyo uyise akwemukeleki akulabo ubuntu.
umamangala wesibili uthe ubelinde ukuthi umalume asivikele asinakekele.
Umthethwandaba ugwebe lona owesilisa udilikajele ngokudlwengula leminyaka engu-8 ngokuhlukumeza ngokocansi. Umthethwandaba uthe izigwebo uzazidonsa kanyekanye, okutsho ukuthi kuzoba ngudilikajele.
Ngaphezu kwesigwebo umthethwandaba uthe lo wesilisa akafanelanga abe lemvumo yokuphatha isibhamu, futhi igama lakhe lizafakwa eluhlwini lwabahlukumeza ngokocansi.
