Online Reporter
YiNtatheli kaMthunywa
KULESISEBENZI senkampani yeFarm and City esibaleke kodwa ngenhlanhla sabanjwa kulandela ukuhuquluza imali yenkampani, eyedlula iUS$13 000.
UTinashe Tinotenda Danda (21), endaweni yokuthi ayefaka imali le ebhanga, ethunywe yinkampani wacabanga ukuthi ayisebenzise ngendlela yakhe, qede lapho wadla phansi.
INational Prosecuting Authority of Zimbabwe (NPAZ), ibika ukuba uDanda kwakumele athathe imali le, esitolo seZvishavane ayifake ebhanga leZB Bank phakathi kwamhlaka 16 kusiya ku-24 Mpandula 2025.
Kuthe inkampani isikhangela ingwalo zayo zemali, kwavela ukuthi uDanda kazange afake imali.
“Icala lavela ngesikhathi inkampani inanzelela ukuthi akulamali efakiweyo,” kubika iNPAZ.
Ngemva kokuphenya, kwatholakala ukuthi uDanda wahuquluza iUS$13 422.
Umiswe phambi kukaMantshi, uDanda ugwetshwe inyanga ezingu-36, wehliselwa eziyisitshiya galolunye nxa engaziphatha kuhle. Ezinye inyanga eziyisitshiya galolunye zesuliwe njalo, ucetshiswe ukuthi abuyisele imali yonke kungakafiki umhlaka 30 Lwezi lonyaka.
Lokhu kutsho ukuba uzahlala inyanga ezingu-18 ejele.
INational Prosecuting Authority of Zimbabwe ibike ukuthi asemanengi amacala lapho izisebenzi ezitshontshela khona amankampani.
“Amankampani akhuthazwa ukuthi aqinise inhlelo zayo zokuhlola imali, enqabele ukutshontshelwa.”
