admin
Khanyile Ndebele
BADLA amahabula abazali bomntwana oleminyaka emine ngesenzo somngane kayise okubikwa ukuba ufake isitho sangasese emlonyeni womntwana lo, uMthunywa uyakuveza lokhu lamhlanje.
Indoda le, wo igama layo ngenhloso yokuvikela umamangala, kubikwa uhlala elokitshini leMatshaemhlophe koBulawayo.
Isikhulumi samapholisa akoBulawayo uInspector Abednico Ncube siqinisekise udaba lolu.
Uthe bamukele umbiko wokuba mhlaka 29 Zibandlela 2022 ngezikhathi zemini enkulu, unina kamamangala wayesenza imisebenzi yakhe yangekhaya wasetshiya umetheswacala edlala lomamangala.
Kubikwa ngemva kwesikhathi inina leli laphenduka lizokhangela umntwana lathola into yamehlo nanko phela umetheswacala wayefake isitho sakhe sangasese emlonyeni womntanalo oyintombazane ngapha emtshela ukuba kasimumuze.
Kubikwa wathi embuza ngesenzo sakhe wathi kenzanga lutho wafulathela. Indaba le yabikelwa amapholisa ahambisa umntwana esibhedlela seUnited Bulawayo Hospitals ukuze ayehlolwa.
UInsp Ncube uthe njengamapholisa bakhuthaza abazali ukuthi bangaze batshiya abantwana abangamantombazana labantu besilisa.
“Amacala okuhlukuluzwa kwabantwana emacansini yizihlobo labangane ayanda kungakho sixwayisa abazulu ukuthi bangaze bathemba abantu besilisa ukuthi basale labantwababo abangamankazana ngoba vele sokunzima ukuthembana phakathi kwezimuli, abangane labomakhelwane,” kuphetha uInsp Ncube.
Online Reporter