Vusumuzi Dube
Nkosilathi Sibanda
KULENINA elizabhadla ejele iminyaka engamatshumi amabili ngenxa yokwenza ihlazo elikhulu, lokudlwengula umzukulu walo ongumfana kabili.
Inkundla yomthethwandaba kamantshi eGuruve, eMashonaland Central, isele imangele ngokuzwa ukuthi inina leli, elileminyaka yokuzalwa engu-44 ladumela umfana (14), lamqila ukuthi baye emacansini.
“Kumahlandla amabili ehlukeneyo, phakathi kukaZibandlela loNhlolanja 2025, inina leli layenga umzukulu walo ukuthi angene ekamelweni, esithi bezoxoxa. Sebephakathi ekamelweni, inina lakhulela umfana ngamandla, lenza ucansi ngenkani,” kubika ugatsha lweNational Prosecuting Authority of Zimbabwe.
Umnawakhe walumfana, owabona konke kusenzakala, walubika udaba kumama wabo. Umfana watshela unina okwenzakalayo, udaba lwamangalwa emapholiseni.
Umadlwengula walivuma icala, kodwa umthethwandaba ubelobufakazi obukhulu obumelane laye. Ujeziswe iminyaka engu-20 ejele, ngamacala amabili okuhlukumeza ngokocansi umzukulu wakhe.
Uhlangothi lweNational Prosecuting Authority of Zimbabwe lubeke isixwayiso kumphakathi ngamacala anje.
“Izenzo ezinje zephula ukwethembeka. Umthethwandaba uzaqhubeka ngokuvikela abantwana ekuhlukuluzweni. Abantwana kumele bathole amakhaya aphephileyo lemuli akumelanga kube lokwesaba.”
Online Reporter