adminSamkelo Tshuma
KUDABA olutshiye izakhamizi zeJotsholo zibambe owangaphansi, kulendoda egongode umakhelwane wayo ngelitshe yamtshiya ebangwa lezibi kubangwa amadlelo.
Kubikwa umsolwa uThunyezwayo Sibanda oleminyaka engu-42 ngumakhelwane kamamangala uPhilani Moyo (39) esiqintini seBuyu, eJotsholo.
Inkundla ebithe gwaqa emthethwandaba weLupane ibikelwe ukuba udaba lolu lwenzakala mhlaka 28 Mabasa ababili laba bevela khelela umaGwebu eTshongokwe Business Centre. Kuzwakale ukuba bathi besendleleni umsolwa wavusa indaba yokuthi inkomo zikamamangala zidle emadlelweni akhe.
Kuzwakale ukuba umsolwa wazama ukuxolisa ngalesi senzo kodwa umamangala kazange axole, ngoba wahle wadobha ilitshe wamgongoda ngalo.
Umantshi uMnumzana Ndumo Masuku uzwe ukuba umamangala wasala elamanxeba esiphaqeni.
Kubikwa umamangala esuka lapho wayabika emapholiseni, wona adingisisa ngodaba lolu athola ukuthi Sibanda ulecala.
Umamangala wathwalelwa esibhedlela se St Lukes lapho afika welatshwa khona. Incwadi evela kudokotela ivezwe njengobufakazi emthethwandaba.
Umantshi uMnu Masuku unqume ukuthi umsolwa ayepika ejele okweminyaka emibili ngoba isenzo sakhe sitshiye eyinye indoda ilaliswe esibhedlela.
Online Reporter