admin
Johas Moyo
KULENDODA yeBinga emiswe phambi komthethwandaba weBinga isetheswa icala lokugqekeza, ukutshontsha kanye lokuziphatha kubi komakhelwane.
Umsolwa uTawanda Muchimba oleminyaka yokuzalwa engu-20 umiswe phambi kukamantshi weBinga esetheswa amacala amathathu.
Kubikwa umsolwa wagqekeza endlini kaNkosazana Judith Muchimba ongumakhelwane wakhe watshontsha amasaka amathathu amabele, inyawuthi kanye lomumbu.
Umtshutshisi uMnumzana Bruce Maphosa ubikele inkundla ukuthi ngoMfumfu kumnyaka ophelileyo umsolwa wahloma wayagqekeza endlini kaNkszn Muchimba watshontsha amasaka amathathu la abiza i$60.
Kuthe mhlaka 20 kuNhlangula waqhubekela phambili ngokuganga wakhwela phezulu kwendlu kamakhelwane ebusuku enqunu lapho ayetshontshe khona waqalisa ukutshaya intombi yomoya njalo ethethisa uNkszn Muchimba okuyikho okwenza bavuka.
Umsolwa ubikele umantshi uNkosikazi Ailene Munamati ukuthi kawali amacala akhe kodwa wathi kulomoya omfikelayo omenza agange.
Umantshi udlulisele ukuthoniswa kwecala leli kumhlaka 12 Ntulikazi lapho umsolwa azabe sevela hlolwa ingqondo.
Online Reporter