Online Reporter
Nkosilathi Sibanda
KULENDODA etshengisele ukuthi kayihloniphi ubukhokheli bomdabu ngokuhlasela usobhuku wayo, yamgwaza, qede lapho yabhidliza impahla, isola ukuthi kungani emcebela emapholiseni
Ngokutsho kweNational Prosecuting Authority of Zimbabwe (NPAZ), ngomhlaka 7 Ncwabakazi 2026 ngehola lesithupha ntambama, uDzingisai wafika emzini kasobhuku wafika wambulala.
Kubikwa uDzingisai wayesola usobhuku ukuthi kungani ephazamisa ukuhlala kwakhe esigabeni. Kuzwakale ukuba umsolwa wayekhalaza ngokuthi kungani usobhuku lo ehlala ebikela emapholiseni nxa yena engavakatshela kulindawo.
INational Prosecuting Authority of Zimbabwe ithe phakathi kwengxabano uDzingisai wakhipha ingqamu wagwaza usobhuku kabili esifubeni lasesiswini.
“Ngemva kokumgwaza, uDzingisai waphuma phandle lapho abhidliza khona amafasitela angu-14 ohlobo lweD11 lomnyango, wasebaleka.
“Owagwazwayo wagijinyiselwa esibhedlela ukuze athole ukwelatshwa, udaba lwabikelwa amapholisa, okwadala ukuthi uDzingisai. abotshwe. .Impahla eyabhidlizwayo ibiza i-US$210.
UDzingisai ugwetswe ukuhlala ejele inyanga ezingu-54 ngemva kokutholakala elecala lokuzama ukubulala kanye lokulimaza impahla.
Umthethwandaba waqala wamgweba inyanga ezingu-84 ejele, kodwa inyanga ezingu-24 zamiswa okweminyaka emihlanu endaweni yokuthi angaphindi enze icala elifananayo ngaleso sikhathi.
Ezinye izinyanga eziyisithupha zamiswa ngaphansi kombandela wokuthi abhadale i-US$210 eyempahla eyabhidlizaayo. Lokhu kwatshiya isigwebo sakhe esisebenzayo esenyanga ezingu-54 esejele.
INational Prosecuting Authority of Zimbabwe ikhuthaze uzulu ukuthi enqabele udlakela nxa kulokungazwanani.
