Ethel Ncube
UMTHETHWANDABA weHigh Court eHwange ugwebe uWellington Moyo iminyaka engu-15 ejele ngemva kokutholakala elecala lokubulala umzawakhe oleminyaka engu-17 ngemva kokuba lengxabano engachazwanga.
UWellington Moyo uzapika ejele iminyaka engu-15 kulandela ukutholakala elecala lokubulala umzawakhe.
Umthethwandaba uzwe ukuthi mhlaka 6 Mabasa ngomnyaka ka2025 emzini oseGwelutshena, umufi uGugulethu Moyo wayedonsa izigodo lomunye ufakazi belungiselela ukulungisa isiphala. Umsolwa kubikwa wathutsha ngemva kukaGugulethu wamgwaza kanye entanyeni ngengqamu esetshenziswa ekuvuneni i-sunflower.
UGugulethu walimala ngokuzwa ubuhlungu wagijima ibanga elingaba ngamamitha angu-50 ngaphambi kokuthi awele phansi. Umsolwa wamlandela ephethe ingqamu wafika wamgwaza futhi.
Umufi watholakala elenxeba elitshonayo entanyeni njalo esedlule emhlabeni.
I-National Prosecuting Authority of Zimbabwe ithe izingxabano zemuli lezomphakathi kumele zixazululwe kuhle.
“Ingxabano azilungiswe ngokukhulumisana kuhle. Amacala okuthatha impilo yomuntu azakuba lezijeziso ezilukhuni zokuyapika ejele isikhathi eside,” kutsho iNPA.
