Online Reporter
YiNtatheli kaMthunywa
NGENXA yokwehluleka ukuzithiba, kulendoda yeMberengwa ngaphansi kwenduna uBankwe egwetshelwe ukuyapika iminyaka engu-20 ejele kulandela ukutholakala ilecala lokudlwengula isalukazi esileminyaka engu-90 yokuzalwa esingumakhelwane.
Isehlakalo lesi senzakale mhlaka 11 Nhlangula ngehola lika 9 ebusuku lapho umamangala athi elele endlini yokulala umsolwa waqoqoda ezenza umzukulu kamamangala.
Umamangala walunguza ngesikhala wabona ukuthi akusimzukulu wakhe wala ukuvula umnyango.
Kubikwa umsolwa watshaya isivalo ngamandla wazithela phakathi ngenkani, wafuqela umamangala phansi wamdlwengula kanye.
Umamangala wahlaba umkhosi kodwa akakho owamzwayo.
Ngosuku olulandelayo wabikela omunye umakhelwane ngalokho okwakumehlele ebusuku owahle wamphelekezela ukuyabikela amapholisa.
