Siphakeme .Mnindwa
YiNtatheli kaMthunywa
Kulendoda yakoBulawayo eleminyaka engu-24 ezahlala izisola ngesenzo sayo sokubulala kubangwa umahotsha kulandela ukugwetshelwa ukuyapika iminyaka eyisikhombisa.
U-Alfred Ngwenya kubikwa waxabana lalo omunye osengumuyi ebhawa bebanga umahotsha okuyikho okwenza wamgwaza kabili emlenzeni wabuye wamgwaza kanye emhlane wabaleka.
Umehluli womthethwandaba omkhulu wakoBulawayo uzwe ukuthi mhlaka 15 Lwezi ngomnyaka ka-2023 ngehola lika-3 ekuseni uNgwenya longasekhoyo emhlabeni baxabana kakhulu bebanga umahotsha okwenza uNgwenya wacina emgwaza.
Kuzwakale ukuthi uNgwenya wagwaza lo osengumuyi, kabili emlenzeni lasemhlane andubana abaleke emtshiya ephakathi kwechibi legazi.
Kubikwa ngemva kwesikhathi kwadlula umuntu onguye owafica lo osengumuyi ephakathi kwechibi legazi wayabikela amapholisa aqala ukuchwayisisa ngendaba le okuyikho okwenza umsolwa wabotshwa eSilobela.
Umsolwa kubikwa watholakala egeziswa enhlane njalo kwatholakala umbhobho we AK47.
Ngokuvezwe kunkundla yeX, uNational Prosecuting Authority uMehluli ngemva kokulalela icala leli wagweba uNgwenya iminyaka eyisikhombisa wabuye wesula inyanga ezintathu kukhangelelwe ukuba angadali icala elifanayo kuminyaka emihlanu ezayo.
Online Reporter