admin
YiNtatheli kaMthunywa
KULOKHONDEKITHA wenye ibhasi ehambela ePlumtree othe evula isivalo sebhasi wawa yahle yamgxoba wafa.
Umuyi uMaxwell Nyoni obeleminyaka engu-26 wehlelwe liyezi elimnyama kumaviki amabili edluleyo.
Kuzwakale ukuthi uNyoni wathi esanda kuvula isivalo wawela phansi wasegxotshwa ngamavili ebhasi emuva.
Ekhuluma lentatheli kaMthunywa uMnumzana Bongani Ngwenya ongomunye walabo ababona ingozi le, uthe lokhe elesithuli ngendlela uNyoni edlula ngayo emhlabeni.
“Lokhe sididekile emcabangweni silapha, angazi ukuthi kuzaphela nini engqondweni zethu ngoba ukubona ibhasi igxoba umuntu akusiyonto elula.
Sonke ebesilapho akula owaba lamandla sonke satsha amathe. Asazi sibili ukuthi kwakutheni evula isivalo ibhasi ihamba,” kulandisa uMnu Ngwenya .
Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uvumile wathi solufikile ewofisini yabo njalo abasebenza emabhasini kabalandele imithetho eqondileyo yokusebenza.
Online Reporter