admin
Thokozile Mbedzi
ZILOKHU zibabaza izakhamizi zesigabeni seTshitshi ngemva kokuba elinye inina litshaywe yinkosana lisentubeni yomuzi walo.
ULister Mlalazi obeleminyaka engu-42 wehlelwe liyezi elimnyama ngeviki ephelileyo.
Omunye umakhelwane kaMlalazi, uNkosazna Peggy Ngwenya uthe lokhu betheneke amadolo ngoba babemkhangele esehlelwa ngamashwa la.
“Thina njengomakhelwane sizwa ubuhlungu obukhulu sibili ngoba uMaMlalazi besimkhangele nje etshintsha ebalekela izulu. Kuthe kungakabi lesikhathi esingakanani izulu lithe liphazima sambona esewela phansi esentubeni yomuzi wakhe kwasethusa kodwa sacabanga ukuba engxenye ukhubekile uzavuka kodwa kazange avuke.
“Saphaphatheka sesibizana labanye omakhelwane safika sazama ukuthi simncedise kodwa wayevele esethe salani,” kuchaza uNkszn Ngwenya.
“Abadala esigabeni yibo abasichazelayo ukuthi hayi inkosazana isiwonile. Silapha kuzaba nzima kithi ukuze sikukhohlwe lokhu,” kutsho uNkszn Ngwenya.
Isikhulumi samapholisa esabelweni seMatabeleland South ulnspector Loveness Mangena ebuzwa ngodaba lolu uvumile wathi solufikile ewofisini yabo.
“Ngaso sonke isikhathi nxa izulu lisina uzulu kalandele izixwayiso zababona ngezomumo womkhathi zokuthi abantu badinge indawo zokucatsha endlini hatshi ngaphansi kwezihlahla futhi ukuze kungabi lokulahleka kwempilo,” kuphetha uInsp Mangena
Online Reporter