Online Reporter
Ethel Ncube
KUSIGA esihlasimulisa umzimba kulendoda yeMatama eLupane ehlahlele isalukazi qede yasithela ngephalafini yasilumathisa ngomentshisi siphila, uMthunywa uyakuveza lokhu lamhlanje.
Isehlakalo lesi senzakale ngeSonto.
UChristine Ncube oleminyaka yokuzalwa engu-72, ulwela impilo yakhe esibhedlela seMpilo koBulawayo ngemva kokuhlahlelwa ngehloka qede wathelwa ngephalafini umzimba wonke bamlumathisa ephila nguSibongiseni Mpofu esithi ungumthakathi.
Isikhulumi samapholisa eMatabeleland North uInspector Glory Banda uthe udaba lolu solusezandleni zabo.
“Sichwayisisa ngodaba lwesalukazi esihlahlelwe ngehloka sabuye sathelwa iphalafini satshiswa ngesinye isakhamuzi sisetheswa ubuthakathi,” kutsho uInsp Banda.
