Online Reporter
YiNtatheli kaMthunywa
UHULUMENDE uqhubeka ngokugcwalisisa isithembiso sokuphakamisa umkhonomi welizwe, nanko usehlise umthelo wamachence amabhizimusi ngesilinganiso esiphezulu.
Ichence lebhizimusi lotshwala, i-liqour licence, isibiza US$20, isuka ku-US$1 080. Lokhu kube zindaba ezimnandi kulabo abathengisa utshwala.
Inyathelo likaHulumende leli lethulwe ngoLwesibili, ngemva komhlangano weKhabhinethi.
Kuvunyelwe ukuthi kuphinde kwehliswe umthelo wamachence, ama-permit, levies, lama-fees.
Ukwehliswa kwemithelo lokhu kuhambelana lenyathelo elabekwa yiKhabhinethi ngoNtulikazi 2025, elokuguqula ukuqhutshwa lula kungatsha ezingu-12 zamabhizimusi.
Ngaphansi kwenhlelo ezintsha lezi, amachence ehlukahlukeneyo azahlanganiswa.
“Ichence lokufuna ukuthengisa utshwala lehliswe laya ku-US$20. Umzekeliso, ukwehliswa lokhu kusukela ku-US$1 080 kuchence lama-wholesale.”
Okunye okubikiweyo:
Ukukhitshwa kweMedicines Control Authority of Zimbabwe (MCAZ) permit fee eye-US$200 kubhizimusi lemithi yezifuyo;
Ukukhitshwa kweLocal Authority bakery licence fee, ebiyi-US$703;
Ukwehliswa kweLocal Authority fees wonke, ukuze kufane kuzo zonke indawo elizweni.
IKhabhinethi ithe amachence lama-permit fees azakhangelwa njalo, andubana kubekwe umthetho.
Inguquko lezi ziyingxenye yenhloso kaHulumende eyokukhulula amabhizimusi, ukuhuga abaxhasi bamabhizimusi lokuvuselela umkhonomi.
