Online Reporter
Nkosilathi Sibanda
KUGIDWA nsukuzonke kuqembu leBulawayo Chiefs njalo lomaqhuzu wayo uThulani Javas Sibanda uthe kabasoke baphenduke ‘ezikwakweni’ zikaDivision One.
Uthabe umanzi te uSibanda njalo kakufihli ukuthi khona kuzasogidwa enkambeni yabo.
“Okwakhathesi sigxile ekujabuleleni ukunqoba njalo sizakwenza lokho okwesikhatshana,” nguSibanda lo.
Uthe kabasaphenduki kuDivision One ngoba balande ukuzohlala kuPremier League.
“Sifunde okunengi ku-Division One, kodwa asisaphenduki lapha. Esikufundileyo kuzaqinisekisa ukuthi ngeke siphinde sibuyele enkundleni lezi. Sizathatha lezi izifundo, sizisebenzise nxa sesikuPremier League,” kutsho uSibanda.
USibanda uthethe lelithuba ukuthi ethusele amaqembu akuPSL.
“Nxa sifika kuPremier League, asifiki sengeze inombolo yamaqembu. Sizokulwa, silwela izicoco. Siyalapho ukuze sihlale khona. Sizawacobodisa amaqembu okuthiwa makhulu, nxa esesekhona.”
Amakhosi Amahle azicentele indlela enhle, ngokuba lemiklomelo engu-76 sekusele imidlalo emibili ukuthi kugqitshwe umdlalo. Loba iqembu elilandelayo kulogu, iHwange, lingaze linqobe imidlalo yalo, ngeke lafikisa imiklomelo yeChiefs.
Omunye wabadlali ‘abatshisileyo’ kuChiefs lonyaka, u-Anesu Saiti usehlohle amabhola angu-12 kulisizini njalo ukhangelelwe ukuthi athwale isicoco seGolden Boot.
