Online Reporter
Brandon Moyo
UMDLALI we-rugby uSikhumbuzo “Skhu” Muchenje usekhethwe ukuba ngukaputeni weqembu lelizwe labesifazane eleLady Sables.
UMuchenje, odlala engu-tight head prop, uphiwe umlandu wokukhokhela ilizwe kumqhudelwano we-Rugby Africa Women’s Cup Division One, oqalise ngoLwesithathu e-Ivory Coast.
Ukhokhela amaLady Sables alabadlali abangamatshumi amathathu njalo usekelwa nguVimbai Dewa loTarren Munodaani.
Umdlali lo uthenjwe kakhulu njalo uselesikhathi eside ephiwa umthwalo wokuba ngukaputeni. Useke wakhokhela kuqembu leFalse Bay ngo-2023, University of Cape Town kusukela ngo-2018 kusiya ku 2020 lakuqembu leZimburu Titans kuleli.
AmaLady Chevrons azangena enkundleni kumdlalo wabo wakuqala ku Rugby Africa Women’s Cup Division One, edibana le-Ivory Coast ngoLwesihlanu ngehola lesine ntambama.
Iqembu leZimbabwe leli lihlangene abadlali abalobungcitshi, abakade bayidlala i-rugby kunye labasakhulayo abatshengisa ukuthi balekusasa elihle emdlalweni, abagoqela uGabriella Chawatama, Fadzai Mandizha loRuvimbo Mudyanadzo.
Iqembu lamaLady Sables elincintisa kuRugby Africa Women’s Cup Division One:
Vimbai Dewa (umsekeli kakaputeni), Sikhumbuzo Muchenje (ukaputeni), Mbalehle Mzizi, Mabel Marungweni, Tariro Nyamudeza, Patience Harubereki, Mercy Runesu, Gabriella Chawatama, Rutendo Morosi, Fadzai Mandizha, Erika Mack, Natalia Nyabinde, Wadzanai Chidawa, Hazel Njaya, Chiwaniso Mabika, Tanaka Mutaramutswa, Simphiwe Gumbo, Ropafadzo Muzanechita, Kudzai Wasili, Tarren Munodaani (umsekeli kakaputeni), Memory Moyo, Nokutenda Shoriwa, Cleopatra Kadimu, Pauline Sianga, Rufaro Tagarira, Ruvimbo Mudyanadzo, Lovelight Fusire, Kudzanai Chirinda.
Abadlali abaseleyo: Bridget Magaso, Robyn Mhembere.
