admin
UKUPHUMA kukaRhema kuma-Idols ngeSonto kuchaza ukuthi sekusele uKarabo loMmatema. Lumncintiswano usufike ekucineni. Kulindelwe ukuthi ngeSonto elizayo kumenyezelwe onqobileyo phakathi kukaKarabo loMmatema.
Uma kucina kunqobe uMmatema kuzakube kungokokuqala ukuthi umncintiswano uwinwe ngowesifazane.
Ngomnyaka odluleyo kwawina uVincent Bones ohlala eMgungundlovu, ngo-2013 kwawina uKhaya Mthethwa, okuchaza ukuthi lonyaka ngeke uwinwe yiKwaZulu-Natal ngoba kasekho omele lesi sSabelo. Obesimele, uSphelele Ngcobo weNanda, uphume ngeSonto eledluleyo.
Okwehlukeneyo ngalumncintiswano lonyaka yikuthi amajaji abevame ukuba mathathu kodwa lonyaka bekuloSomizi Mhlongo okujabulise abantu abanengi ukubakhona kwakhe njengoba efike wangena khaxa ejoyina u-Unathi Msengana, Gareth Cliff loRandal Abrahams kukanti uhlelo luhlezi luphethwe nguProverb owenza umsebenzi omuhle.
Ukuvota kusaqhubeka kodwa sekuvotelwa ababili abaseleyo.
Onqobileyo uwina imali, imota, lenkontileka yokuqopha e-Universal Music. Konke sekulele emavotini abantu ngoba amajaji akaselamandla. — Ubulembu
Online Reporter