admin
Thokozile Mbedzi
ZIBUKELE ibhayisikopo yamahala indlamanzi zenye ibhawa yeWalala eBeitbridge kulandela ukubona enye indoda ivuka upenyane ikhanda enye ngelitshe ekhanda kubangwa ukuthi imncitshe utshwala.
U-Urban Manyinge olemiyaka engu-25 yokuzalwa ugongode uMpokiseni Nyoni ngelitshe esiphaqeni kuviki ephelileyo ezondele ukuthi kungani emncitshe utshwala.
Ekhuluma lentatheli kaMthunywa uMnumzana Kholwani Muleya uthe ababili laba baxatshaniswa butshwala.
“UManyinge wafica uNyoni enatha utshwala labangani bakhe wasecela ukuthi athi mothu kodwa uNyoni wamtshela ukuba kumele aqale ayethenga obunye utshwala hatshi ukuthi anathe engazange athenge.
“Lokhu akuzange kumhambe kuhle uManyinge ngoba wahle wadobha imbokodo yelitshe watshaya uNyoni esiphaqeni walimala,” kulandisa uMnu Muleya.
Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uthe udaba lolu solufikile ehofisini yabo.
“Uzulu kaxwayane lomkhuba omubi wokuxazulula ingxabano ngokulwa, udlakela aluvunyelwa. Labo abayabe bephanjaniselwe kababikele abadala bezigaba loba ukubikela amapholisa ,” kuphetha ulnsp Mangena.
Online Reporter