admin
Ethel Ncube
KULENDODA yelokitshini leNketa koBulawayo okubikwa ibize umfundi oleminyaka eyisikhombisa evela esikolo yasimbamba iganyavu ngemva kwesikolo, uMthunywa ukuzwile lokhu.
Indoda le okungaziwayo igama layo, kubikwa idale icala leli ngoLwesine kuviki ephelileyo ngemva kwesikolo seManondwane Primary.
Kuzwakale ukuthi umamangala wahlangana lometheswacala evela esikolo wathi kayekhipha i-unifomu aphenduke amphelekezele.
Kubikwa umamangala wahamba ngakibo wayakhupha i-unifomu wabuyela kumetheswacala wathi efika kuye babhoda ngemva kwesikolo seManondwane wambamba iganyavu kanye engagqokanga ijazi lomkhwenyana.
Ngaleso sikhathi kwathutsha abantu umetheswacala wahle wacela ezinyaweni watshiya umamangala.
Isikhulumi samapholisa koBulawayo ulnspector Abednico Ncube uthe udaba olunjalo basaluchwayisisa.
“Samukele udaba lwendoda ebambe umfundi oleminyaka eyisikhombisa iganyavu ngemva kwesikolo.
“Abazali kabafundise abantwana ukuziphatha futhi babatshele ukuthi umuntu abangamaziyo bangahambi laye njalo lemota zabo bangazigadi.
“Sithanda ukuxwayisa njalo abazali ukuthi bakhangele abantwana njalo sixoxisane labo sonke isikhathi sihlale sikwazi lapho abakhona lalapho abadlalela khona,” kuphetha ulnsp Ncube.
Online Reporter