Online Reporter
Ethel Ncube
UMHLABELELI weHip-hop owePlumtree, ukhiphe ividiyo lakuqala lokhe waqala ukuhlabela.
UBamphamandla Moyo owazakala ngokuthi ngu “Muntu” ukhiphe ividiyo ehlabela ngesiZulu eseMzansi Afrika, ngempelaviki.
Ekhuluma loMthunywa uMaria Moyo, umama kaMuntu aphinde njalo abengumaneja wakhe uthe uMuntu useze wakhipha ividiyo.
“UMuntu useSouth Africa lapho avakatshele khona ukuyalungisa ingoma zakhe. Ulengoma zakhe okumele azikhuphe kodwa usazipheka estudiyo khonale eSouth Africa. Okwakhathesi ukhiphe ividiyo entsha ye-Hip-hop ehlabela ngesiZulu. Ividiyo le isikhona enkundleni zokuxhumana ku Youtube. Ungacofa uzibukelele ividiyo ku-Youtube nxa ufuna ukukhulisa umculo walumhlabeleli wethu.
“Ngithanda ukubonga abalandeli bomculo ka-Muntu labamncedisayo ukuze umculo wakhe ubesendleleni, lokhu ngiyakubonga, asimphathiseni bakwethu,” kubika uMoyo.
Ekhasini lakhe le-Facebook uMuntu wethule isicelo sakhe ngevidiyo entsha.
“Sengikhiphe ividiyo yami entsha bakwethu ngidinga usekelo lwenu. Ngicela lingisekele, ividiyo ikhona ekhasini leFacebook,” kubika uMuntu.
