Online Reporter
Zimpapers Sports Hub
UMDLALI wakuleli, uPrince Dube, usengaphenduka eMzansi esekuKaizer Chiefs nanko kubikwa leliqembu selilungiselele ukuthi limthenge umgadli lo.
IKaizer Chiefs kuzwakale ukuthi ingamthatha lumdlali ngesikhathi sokuthengwa kwabadlali esilandelayo kuligi ephakemeyo eSouth Africa.
Okwakhathesi, uDube udlalela iYanga SC eTanzania. Umdlali lo usefomini etshisayo kulisizini nanko utshaye amabhola alitshumi njalo uyakhokhela kulabo asebehlohle amabhola amanengi ku-Tanzania Premier League.
Ukudlala kwakhe kudonse amehlo eChiefs, efuna ukuqinisa ukuhlasela kwayo ngesizini ezayo.
Ngokubika kweSoccer Laduma, abacuphi beChiefs bayiqaphe ngeso lokhozi inqubekela phambili kaDube njalo bagxile kakhulu ekubuyiseleni umdlalo.
Abafakazi abaseduzane lokwenzakala kuChiefs batshele iSoccer Laduma ukuthi abanye abadlali abafunwa liqembu nguMichael Olunga loFiston Mayele. Kodwa, kubikwa ofunwa kakhulu nguDube.
“UPrince (Dube) ubukeka ethembisa kakhulu okwamanje. Laba abanye abagadli ababhekwe ngabomvu babonakala benzima ukutholakala, yikho kugxilwe kuDube. Laye wenza kuhle kuYanga,” kutsho umfakazi wodaba.
UDube wake wadlala eSouth Africa kuSuperSport.
Ukudlala kwakhe kube yikho okwenze kwaba lempumelelo kuYanga kulisizini njalo kuncede ekuthini iqembu liqhubeke lihlezi esiqongweni ku-Tanzania Premier League.
Umdlali lo uzabaluleka lakuqembu lamaWarriors kumkhankaso we-2026 Fifa World Cup Qualifiers.
Ungene kuYanga ngoNtulikazi 2024, esuka ku-Azam FC.
Okwakhathesi, uDube ulingene ngamabhola asewahlohlile lomunye wakhe kunyanga uClement Mzize loJean Ahoua owe-Simba SC.
Ukuya kuChiefs kutsho ukuba uzabe esebuyela endaweni ayijwayeleyo njalo kungenzeka afike ahlohle amabhola amanengi.
