Online Reporter
Nkosilathi Sibanda
KUSUKELA lonyaka kusiya phambili, kuzaphakanyiswa umkhankaso wokukhuthaza abantu ngokuqakatheka kokudla.
Kuleli, umkhankaso lo uzakwenziwa mhlaka 20 Lwezi eMatopos Research Institute, esigabeni seMatobo eMatabeleland South. Kulumbuthano, kuzabe kulengcitshi kwezokuhlelwa kokudla, ukugcinwa kwenhlanyelo, abezempilakahle, abalimi kunye leziphathamandla zikaHulumende.
Isikhulumi esiphezulu kuzabe kunguMphathintambo wezokulima kuHulumende uDokotela Anxious Masuka. Ummeli weMatobo ePhalamende uEdgar Moyo uzabe engomunye ozethula umbiko kulumhlangano.
Inhlanganiso ye-Agricultural and Rural Development Advisory Services (ARDAS) izakhokhela abalimi ekutshengiseni imisebenzi yabo kwezokulima lokulingisa ukudla esigabeni seMatobo lakwezinye indawo eMatabeleland South.
Indikimba ithi: “Sibambene ngokudla okungcono, lekusasa elingcono.”
Ilanga leWorld Food Day linanzwa minyaka yonke mhlaka 16 Mfumfu njalo labekwa ngokusemthethweni yinhlanganiso ye-United Nations Food and Agriculture Organisation (FAO) ngo1945.
