Online Reporter
UMENDO, ISAHLUKO 12, Sikumbuzo Dabengwa
Umlobi uB C Makhalisa oka Nkala, uloba kulesi isahluko eveza uGugu owathi evuka wathola ilanga selisemini. Umlobi uthi wazama uGugu ukudidizela ukuze enzele uThulani ukudla. Umlobi uthi wathola UThulani esekade wahamba njalo lezitsha zazikutshengisa lokhu. Kuthiwa wabona ngencwadi ukuba ntambama kwakumele angaze amphakela uThulani.
Uyaqhubeka umlobi esithi uGugu wabuyela endlini yokulala lapho uSipho ayelele khona kubutifitifi bombheda kaNompilo. Bathi sebedlile okwekuseni, uGugu waqala ukuthanyela ehlanza indlu ukuze isale ikhazimula.
Wahlanza konke lamayembe kaThulani. Wathatha lezingubo zakhe loSipho ngoba sezizwakala intuthu. Umlobi uthi wathi eseqede lapho waphumula. Emva kokudla kwemini wa-ayina amayembe ayewatshiwe. Wananzelela uGugu ukuba uThulani wayelayo yonke into lapha endlini sibi sikamabonakude. Umlobi uthi uGugu wahawukela inina elalizathathwa nguThulani.
Umlobi uyaveza ukuba ekufikeni kukaThulani ntambama, wathola kunukelela kamnandi ngasemkulwini. Wabuka indlu yonke uThulani ebona indlela uGugu ayelungise ngayo. Baxoxisana loGugu ngokuba kwasekumele athathe, pho abantu babengaqondani laye kuhle. Waveza uThulani ukuba wayelaye uLinda kodwa wamdanisa.
Lanxa uGugu wayezama ukuveza ukuba imizi yonke ihlezi ithunqa intuthu, lanxa abantu behlezi kuhle. Uyaqhubeka umlobi eveza ukuba uGugu wathi epheka, uThulani ephethe edlala loSipho umacatshelana. Sebedlile, uGugu wahlanza izitsha encediswa nguThulani ekwesuleni izitsha ngelembu.
Umlobi uthi uGugu wayezamile ukwala ukusizwa kodwa uThulani waveza ukuba ufisa ukusizana laye njengodadewabo owayesizana lomkakhe bevela sebenza, benanzelela ukuba intombi ayithathelwa ukuba yisigqili. Babesizana, nanku uThulani wayencedisa langokuyalalisa uSipho owayeselele esofeni.
Sebeqedile, umlobi uthi uThulani wazisa uGugu ukuba kwakungenzeka aqalise umsebenzi ngeviki elizayo. Lokhu kwamjabulisa uGugu.
UThulani wabika ngomngane wakhe owayesebenza eWelifeya owatshela uThulani ngomunye wababalisi owayefundisa abantwana abancane ezithwele kodwa ehlutshwa yisisu leso.
Ngokunjalo, basebedinga owayengambambela. Umlobi uthi uGugu wamangala ukuba uThulani wayethi wayezasebenza engakufundelanga. Ngokuxoxa, babona sanele isithupha sakhe sikaFomu 4 uGugu. Sekunjalo, uGugu waqala ukubuzisisa ngolimi ayengalwazi.
Waphiwa impendulo yokuba babebanengi abantwana ababesazi isiNdebele njalo uGugu wayezabe esizana lomunye umbalisi. UGugu wasala elokumangala ukuba laye wayengasebenza kumfanele? Wajabula uGugu ngomsebenzi wahlala esephupha esewutholile.
Umlobi uthi wathandaza lenkosini ukuba awuthole angaze adubeka aze ayekufa.
Umlobi uphetha isahluko ngokuveza ukuba uGugu wakhumbula langoNdaba owayekoBulawayo elentokozo yakhe eseze walibala ngaye lomntanakhe.
UGugu kuthiwa wayefisile ukubalobela izincwadi loyisekazi lapha nxa wayesethe waqalisa umsebenzi. Wayelokhu esamcabanga uNdaba uGugu, engeke amkhohlwa nya.
Wayefisile ukuba aziphandele uGugu aphinde ondle umntanakhe owayeyisiphiwo esikhulu empilweni yakhe. Umlobi uMakhalisa, uphetha isahluko lesi ngokuthi uSipho wayengumduduzi kaGugu.
