Online Reporter
Ugwalo: Emfuleni Wezinyembezi olwalotshwa ngu-Ezekiel S K Hleza
Ophezulu Stinta
Ugwalo lwethu lapho selubanga emaphethelweni sinanzelela ukuthi sekuthanda ukuba lokuthula phakathi kwemizi yabantu.
Isizwe siphakathi kwesigaba semvuselelo, isigaba sokuthoba amanxeba loba nje kungelula ukuthi amanxeba wonke elapheke kodwa ke ngokuhamba kwesikhathi amanye ayaphola avalele ubuhlungu ngaphakathi okufana lokuthi umuntu ulibala njani ubuhlungu bokutshiselwa umntwana ephila ekhangele ngamehlo, yizilonda ezingebaliswe ngubani lezo.
Ukuphenduka kwabokaMalandu ekhaya kudala impilo entsha, kuletha ithemba elitsha phakathi kwamakhosikazi abo kanye labantwana.
Umthwalo lawo wawusuzakuba lula okwamagama phakathi kwezimuli, umuzi ngumuzi ngenhloko yomuzi ngesinye sezifundo esizitholayo egwalweni lwethu lapha.
Kungumthwalo omkhulu okwamagama ukuthwala umuzi lobunzima bawo ikakhulu kwabesifazana loba nje kulezi nsuku sekuyingoma ukuthi umuntu wonke uyakwenelisa njalo uyakuthwala. Kuqakathekile ngokunanzelela ubunzima obusuka buthwalwe ngumuntu oyedwa ukuthi lapho kuvuma kakwenqatshelwe ngendlela zonke ukuze umuntu wonke abe lokuthula kwenhliziyo kanye lokuthula emoyeni wakhe.
Abantu bonkeke besebe biziwe bahlaliswa phansi, injongo eyisiqokoqela kuyikukhetha inkokheli yabansundu, leyo ezamela abantu, izwe lezikhalazo zabo, kwakhiwe isizwe kukhangelwe phambili.
Phakathi kwethemba lengqubela phambili kufika umbiko ongemuhle otshwaqisa igazi lapho sekukhotheme enye yezinkanyezi zempi isidlule mhlabeni kwelaseMozambique.
Sagcwaliseka esithi lo ocenta indlela kasuye umhambi wayo, ucentela abalandelayo njalo kuyisifundo esimangalisayo ukubona abaseleyo behamba endleleni ecwebezelayo kungela ngitsho lamagwenzi kuveza ukuthi obacenteleyo ulenhliziyo enhle njalo ulesifiso ukuthi abantu bahambe bengahlatshwa kodwa olenhliziyo embi utshiya ehlanyele ameva kube nzima kakhulu endleleni lapha kwabaseleyo.
UMgandane wacela abantu bonke ukuthi bakhothamise amakhanda abo bahloniphe iqhawe elaseledlule emhlabeni, kwakhunjulwa kanye lombalisi owafela esikolo seManama labafundi, abafela kuleyo ndawo ababe kuyo.
Ngemva komzuzu wenhlonipho kulaba abasebedlule emhlabeni, uMgandane waliphosela ebazalini ilizwi eliqukethe isakhiwo sempilo.
kwathiwa sekukibo ke ukuthi bakhethe lowo owayezaba khokhela.
bakhethelwe, kodwa kwathiwa kabakhethe bona bodwa.
