marble nkomo
Ugwalo: Umdumo Wenkondlo owalotshwa ngu N.S Sigogo labanye
Inkondlo: Umuntu Lo eyalotshwa ngu EM Matshona
Ophezulu Stinta, Okumunyethweyo
Inkondlo le ikhuluma ngesidalwa esingumbalisi omangalisayo empilweni yembongi. Umbalisi udlala indima enkulu kubafundi, uyabafundisa abuye njalo adlale indima yokuba ngumzali ebafundisa ngempilo eqondileyo, langokuziphatha besaphila emhlabeni.
“lumuntu unjengobaba lomama kimi”
Ungifundis’ okunengi okwalaph’ emhlabeni”
Umbalisi welula isineke lothando lwakhe lapho efundisa abafundi langezempilakahle, ngoba yiyona ndlela yokuphila kahle ekhuthazwe langabezempilakahle.
Umuntu ngumuntu ngokuhlalisana labanye abantu, umbalisi lo layeke uyabafundisa abafundi ngokuhlalisana kuhle labanye ukuze babe ngabahlali abalokuthula ezigabeni kanye labanye abantu.
Phezu kwalokho umbalisi uyagcizelela kubafundi bakhe ukuthi kumele bakhule bengabantu abamnene njalo bezithobile. Ubuntu obuqakathekiswa ngumbalisi lo yibuntu obugoqela ukuhlonipha labahluphekileyo.
Umbalisi uphatha abantwana bakhe abafundisayo ngozwelo azwelane labo loba nje kwesinye isikhathi abantwana labo basuke nje bameyise uyancomeka kakhulu umsebenzi awenzayo.
“Ngiphathis’ abaphethwe kubi. Ngikhonzu uNkulunkulu mihla yonke”
Umbalisi lo uthando lwakhe luyedlulela ngale kokwenyama uyafundisa labantwana ukuthi bakhonze uNkulunkulu ophilayo lokuthi kubanikeza amandla empilo ezayo bangacwili kuphela empilweni ababhekene layo yomhlaba.
Umbalisi uyabanikeza abafundi ngendaba ezinhle zokuphila lolwazi lwemvelo, inguquko ekhona kusukela kumbali yakudala uyayiletha ixhumane lolwazi oseluhamba phambili olwesayensi.
Imbongi iyaveza ukuthi umbalisi ngumuntu ohlakaniphe okwamagama, okudingeka ukuthi alalelwe kulokho akuphawulayo ngoba phela inhlakanipho lulwazi.
“Ingqondo yakh ibukhali okweyegqwetha lomtshutshisi”.
Kungaba kuhle njalo abafundi kanye labantu emphakathini nxa bengathatha bafunde isibonelo esihle sombalisi benze njengaye kungakheka isizwe esilobuntu esiyaphambili ngengqubekela phambili. Kuyinto enhle emangalisayo ukuthi umbalisi lo uyakwazi lokuziphatha emphakathini.
Ubuntu lobu kabuvezi kuphela kubafundi, ubekekele lanxa ekhuluma lomphakathi. Kugcizeleleka inhlonipho lobuntu bukambalisi ohlonipha abadala labancane engelabandlululo ngitsho.
Kusobala lokuthi abafundi bakhe ubaphatha njalo ababambe ngesandla esifanayo labo bakhululeke kuye,
“Ukhula ngelizwi elithobekileyo, engilithandayo, abakhulu labancane bonke bayafanana kuye.”
Online Reporter