Online Reporter
Ethel Ncube
I-lettuce yisilimo esingahluphiyo njalo esifuna umumo womkhathi oqandelelayo kungakho abe-Agritex bakhuthaza abalimi ukuba bazame ukuyilima ngoba ilomkambo omkhulu.
UNkosazana Slyvia Tshuma ongu-Agritex Officer ubike ukuba abalimi kabalime i-lettuce ngoba iyamelana lomqando.
Ekhuluma lentatheli uNkszn Tshuma uthe i-lettuce yenza kuhle ngesikhathi somqando kungakho abalimi kabakhuthale bayilime.
“I-lettuce idinga umumo ophakathi kwe-12 degrees Celsius kusiya ku 20 degrees Celsius ayifuni ukutshisa kakhulu. Iyalimeka emhlabathini etshiyeneyo.
“lsilimo lesi asithathi sikhathi sithatha amalanga angu-30 kuphela uyabe ususiyasingenisa emkambo uzitshayele imali yakho.
“Okudingakalayo nje yikuthi ulungise imbheda yakho njalo ubone ukuba uyathelela okuzwayo isilimo sakho,” kubika uNkszn Tshuma.
Uqhubekele phambili eveza ukuba nxa usulime isilimo sakho kuqakathekile ukufaka umvundiso.
“Ngaphambi kokuba ufake umvundiso kusilimo sakho, kumele uqale ucuphe inhlabathi iyehlolwa ukuze uthenge umvundiso eqondileyo.
“I-lettuce kumele ubone ukuba nxa isihlaselwa yizibungu uthenge imithi uphange uyifafaze.
“Nxa isilimo lesi sesilungele ukuvunwa kumele usivune ekuseni ngoba amahlamvu akhona ekuseni ayabe engakaswabanga.
“Ungayivuna kumele uyigcine endaweni eqandelelayo usalinde ukuyathengisa emkambo,” kuphetha uNkszn Tshuma.
