Ijaha (18) lidlwengula uyisekazi (42)

The man, who is married to the complainant’s aunt, had pleaded not guilty to the charge

Nkosilathi Sibanda

KUDABA olusematheni esigabeni seGokwe South, eNkabazwe yelizwe, kulojaha oleminyaka engu-18 yokuzalwa ogwetshwe ukuthi ayepika iminyaka engu-15 esejele ngemva kokutholakala elecala lokudlwengula uyisekazi wakhe (42).

Isehlakalo lesi senzakale mhlaka 16 kuNkwenkwezi 2026 esigabeni esingaphansi kwenduna uNjelele, ngehola lesihlanu ekuseni. Ngaleso isikhathi umsolwa lobabakazi babesendleleni yokuya kwenza umsebenzi kwenye indawo eseduzane.

Ngokubika kweNational Prosecuting Authority of Zimbabwe, bobabili laba babesendleleni, ujaha lo kubikwa waphendukela isihlobo sakhe lesi, wasibamba ngomphimbo wasiwisela phansi. Ubabakazi wazama ukulwa, kodwa wehlulwa ngamandla.

Kubikwa ujaha wasuka lapho wahlubula ubabakazi wakhe izigqoko ngamandla wamdlwengula.
Ubudlova lobu babonwa ngumuntu owayesedlula eceleni kwendlela esizwa umamangala ehlaba umkhosi ezihlahleni.

Umuntu lo kubikwa wagijimela lapho okwakuvelela khona umkhosi wabamba umsolwa.

“Ngemva kokumsiza, wamphelekezela ukuya ekhaya,” kutsho iNational Prosecuting Authority of Zimbabwe.
Icala lamangalwa emapholiseni okuyikhona okubangele ukuthi umsolwa abanjwe masinyane, agwetshwe njalo aphoselwe ejele.

“Ugatsha lwe-NPAZ luxwayisa ngokuthi bonke abenza amacala obudlova kwezocansi bazabotshwa babuye bajeziwe ngemithetho eqinileyo.”