admin1.Isiphawulo kumele silandele usobizo (ibizo lesabizwana) esimchazayo.
Izibonelo: Ugamule isihlahla esikhulu. Isihlahla libizo elichazwa yisiphawulo esikhulu.
Ugqoke isigqoko esidala esiya emtshadweni. Isigqoko libizo elichazwa yisiphawulo “esidala”.
2. Isiphawulo singasetshenziswa lesijobelelo sesinciphiso u – ana.
Ngimbone esithi tshazi ngeyembe enhlana. Iyembe libizo elichaswa yisiphawulo “enhlana”.
Umbambe ngengalo yakhe endana wamwisela phansi
3. Iziphawulo ezimbalwa zingasetshenziswa lesijobelelo sesikhuliso u- kazi.
Izibonelo: Umtshaye ngempama yakhe enkulukazi wahlaba umkhosi omkhulu. Impama libizo. Enkulukazi yisiphawulo esichaza ukuthi leyo mpama inganani.
4. Ezinye iziqu zesiphawulo zingaphindwaphindwa
Izibonelo: Ukhulume indaba ezinenginengi ngacina ngingasezwa ukuthi ukhuluma ngani. Ezinenginengi yisiphawulo esilesiqu esiphindaphindiweyo.
5. Iziphawulo zingaba yizabizwana zokuchasisa.
Omkhulu nguye olimeleyo. Omkhulu yisiphawulo esesiguqukile sabayisabizwana sokuchasisa. Nxa isichasiso siyinhloko yomutsho siba yisabizwana sokuchasisa. Uma njalo sizimele sodwa emutshweni kungekho ibizo kumbe isabizwana esichazwayo siba yisabizwana sokuchasisa.
6. Isiphawulo singasebenza ukulandula emutshweni
Imota ibithwele imbuzi ezingenengi. Ezingenengi yisiphawulo esilandulayo.
Umgido lo ufuna umuntu ongemdala. Ongemdala yisiphawulo esilandulayo.
Isibaluli
Isibaluli ligama eliyisichasiso. Igama eliyisibaluli njengesiphawulo lichaza usobizo (ibizo lesabizwana). Njengeminye imihlobo yezichasiso, isibaluli kumele sisetshenziswe losobizo esimchazayo futhi simlandele. Isibaluli siyamchaza usobizo lanxa eseguquke waba yisibanjalo kumbe isandiso.
Sizaqala lapha kuviki ezayo.
Online Reporter