admin
NXA abalimi besenza ukudla kwenkukhu kumele basebenzise iPearson Square Method. Ngokusebenzisa lindlela kudingakala i-digestible crude protein (DCP) ukuze wenze ukudla kwezifuyo kungakhathalekile ukuthi ngokwasiphi isifuyo.
Singakuqathanisa njengokuthi umlimi ufuna ukwenza ukudla kwenkukhu esebenzisa lindlela, kumele azi isilinganiso se-crude protein kukho konke akusebenzisa ukwenza ukudla kwenkukhu. Okulandelayo yizilinganiso ze-DCP zakho konke okusetshenziswa nxa usenza ukudla lokhu :
Umumbu — 8.23 percent
I-Soya — 45 percent
I-Fishmeal (omena) — 55 percent
I-Maize bran — 7 percent
I-Sunflower — 35 percent
Inkukhu yinye ngayinye ilesilinganiso sokudla ekudingayo. Nxa sifuna ukwenza ukudla kwenkukhu ezibekelayo, ukudla esikwenzayo kumele kubelesilinganiso se- crude protein esiyi 18 percent.
Nxa umlimi efuna ukwenza ukudla kwenkukhu ezibekelayo, kuzadingakala ukuthi adingisise isilinganiso se DCP esidingakalayo kukho konke okudingakalayo ukuthi kwenziwe ukudla lokhu. Kungakho-ke ukuze wenze isaka elingange 70 kg yokudla kwenkukhu ezibekelayo, umlimi kumele abelokulandelayo:
=i-34kg yomumbu
=i-12kg ye-soya
=i-8kg ye-omena (fishmeal)
=i-10kg ye-maize bran
=i-6kg ye- lime
Ukuze ubone ukuthi konke okuqanjiweyo kuyafinyelela i- 18 percent ye-crude protein edingakalayo, umlimi kumele abale ngendlela elandelayo:
-Umumbu— 34kg x 8.23 ÷100 = 2.80 percent
-I-Soya — 12kg x 45kg ÷ 100 = 5.40 percent
-I-Omena — 8 kg x 55kg ÷ 100 = 4.40 percent
-I-Lime — 6 kg x 0 kg ÷ 100 = 0.00percent
Total % of crude protein = 13.30percent
Umthombo: The organic farmer magazine
Online Reporter