Online Reporter
Isabizwana sokukhomba eduze sisakha ngokusebenzisa isakhi sokukhomba u-la. Lesi sakhi siqala ngaso eziqalweni zamabizo.
Unkamisa ka –la ulumbana lonkamisa wakuqala wesiqalo sebizo.
Uma kulabomankankana esiqalweni lo- sebizo bayasuswa kanye lonkamisa olandela umankankana lowo njengakuSigaba 1.
Unkamisa –a wesakhi sokukhomba nxa elumbana lo a- wesiqalo sebizo ubangu –a. Nxa elumbana lo –i- wesiqalo uphenduka abengu –e- ikanti nxa elumbana lo-u uphenduka abengu-o.
Izibonelo zokwakhiwa kwesabizwana esikhomba eduze ngaphansi kwezihloko: Isigaba, isakhi sokukhomba sihlangana lesiqalo sebizo kudala isabizwana sokukhomba eduze. Isigaba 1 la + umu (a +umu =lo(mu) =lo. Isigaba 7 la +isi (l(a) +i(si) =lesi. 2 la + aba –l(a) + (a)ba =laba.
Isigaba 14 la +ubu (a) + u(ubu)=lobu.
Ukwakhiwa kwesabizwana sokukhomba buqamama. Izabizwana ezikhomba buqamama zakhiwa kuzabizwana zokukhomba eduze.
Ezabizwaneni zokukhomba eduze ezilelunga elilodwa u-lo lo-la, sijobelela u-wo. Esabizwaneni sokukhomba eduze esilelunga elilodwa u-le sijobelela u-yo.
Nanzi izibonelo ngaphansi kwezigaba, isabizwana sokukhomba eduze lesabizwana sokukhomba buqamama.
Isigaba 1, isabizwana sokukhomba eduze lo + wo = lowo oyisabizwana sokukhomba buqamama. Isigaba 6, isabizwana sokukhomba eduze la +wo =lawo oyisabizwana sokukhomba buqamama.
